O recuncho dos soños: Contos para pasalo de medo!

Estase a facer de noite e dentro de pouco os nenos/ás teñen que ir a durmir. Algúns van ser incapaces de conciliar o sono porque teñen algúns medos tan naturais como a ruídos raros, á crenza de que hai monstros no cuarto...

Nós ademais de ofrecervos contos para pasalo ben neste día tamén ímosvos recomendar outros para que os nenos vaian perdendo eses medos que teñen.

1. "Un pesadelo no meu armario" de Mercer Mayer (Editorial Kalandraka):

Este conto fala dun neno que ten dificultade para conciliar o sono pola noite xa que está preocupado pola presencia no seu cuarto dunha criatura que resulta non ser tan terrorífica coma parece.

2. "No bosque" de Anthony Browne (Editorial Kalandraka):

Este conto reinventa a historia de Carapuchiña Vermella. Un neno intérnase no bosque para ir a casa da súa avoa pero no camiño econtrarase personaxes moi coñecidos polos nenos así como un sinfín de perigos.

3. "Onde viven os monstros" de Maurice Sendak (Editorial Kalandraka):

Conta as aventuras de Max, un neno con moita imaxinación. Esta historia foi levada fai moi pouco ao cine cunha gran acollida por parte do publico infantil e adulto.

4. "Unha pantasma con asma" de Carmen Gil e Sarah Webster (Editorial Kalandraka):

Ata as pantasmas poden chegar a contraer enfermidades, sobre todo se viven soas e en ambentes non moi bos. As divertidas rimas de esta historia recetarannos o remedio infalible que cura todos os males, incluídos os pantasmales.

5. "Gato Guille e os monstros" de Rocío Martínez (Editorial Kalandraka):

Este gato ten moito medo aos ruidos que se escoitan na súa casa, claquera ruido xa o asusta. Coa axuda da súa nai o Gato Guille aprenderá a racionalizar os seús temores.

6. "Chivos chivones" de Olalla González (Editorial Kalandraka):

Conto popular. Isto é o que lle sucedeu a tres Chivos Chivóns cando querían cruzar unha ponte e se encontraron cun ogro.

7. "Mefi, Sata e Demi" de Mercedes Neuschäfer-Carlón (Editorial Kalandraka):

Malvados, consentido es indisciplinados estes tres irmáns son un tormento para todo aquel que os rodea: mestres, criados... pero coa chegada ao castelo de Bianca, Bela e Angui, os fillos do Conde atopan a horma dos seús zapatos e comezarán a probar da súa propia mediciña porque ata as criaturas máis anxelicais se poden converter no peor pesadelo.